Мөрөн нисэх буудал, Хөвсгөл аймгийн ХДТ-тай хамтран гадаад, дотоодын аялагч, жуулчид, зорчигчдод дэлхийд гайхагдсан Монгол ардын урлаг түүн дотроо өөрийн аймгийн онцлог, үндэстэн, ястны амьдралын өвөрмөц төрх, зан үйл, өв соёл, ёс заншлыг түгээн сурталчлах, таниулах, тэдний сонирхлыг татах, дахин ирэх сэтгэгдлийг төрүүлэх зорилгоор өдөр бүр 11:00 цагаас урлагийн тоглолт зохион байгуулж байна.
Урлагийн тоглолтод монгол ардын уртын дуу, хөөмий, бөөгийн бүжиг, бүжигт биелгээ, үндэсний хөгжмийн цөөхүүл зэрэг номерууд багтжээ.
Та монгол урлагийн гайхамшигийг мэдрэхийг хүсвэл Мөрөн нисэх буудлаар зочлоорой.
Эх сурвалж: mcaa.gov.mn
