33 настай Лоран Косьелни шигшээ багтаа дахин тоглохгүй гэдгээ өчигдөр зарлалаа. Тэрбээр энэ шийдвэрээ гаргасныхаа дараагаар дараахь тайлбарыг хийсэн байна. Косьелни ахиллын шөрмөсний гэмтлийн улмаас өнгөрсөн зун ДАШТ-д оролцож чадалгүй өнжсөн билээ.
“Францын төлөө би чадах бүхнээ хийсэн гэж боддог. Гэмтэлд хэргийн учир байгаа юм биш ээ. Гэмтэл бэртэл ч намайг тэгж их шаналгаж байгаагүй юм. Шигшээ багт би дахин тоглохгүй. Францын шигшээ дэлхийн аварга болоход миний сэтгэл хамгийн ихээр эмзэглэсэн.
Дидье Дешам над руу ганцхан л удаа залгасан. Өнгөрсөн сард төрсөн өдрөөр миний төрсөн өдрөөр баяр хүргэх гэж л залгасан. Ингээд л болоо. Дасгалжуулагч ч бус бусад хүмүүс ч миний сэтгэлийг их эмзэглүүлсэн. Дагз руугаа гэнэт хүчтэй цохиулах шиг л санагдсан. Эрүүл байхад чамд олон найз байх юм билээ. Харин гэмтээд ирэхээр зарим нь зүгээр л мартаж орхидог” гэж Косьелни өгүүлсэн байна.
News1.mn Р.Гэгээ