Сүүлийн хэдэн жилд дарга нь тогтвортой байгаад байгаа хуруу дарам цөөхөн байгууллага бий. Тэдний нэг нь ОБЕГ юм.
Харин Т.Бадрал генералыг өөрчилсөн байж магадгүй мэдээллийг УИХ-ын гишүүн Д.Дамба-Очир өгсөн байна. Тэрээр цахим хуудаастаа “…Амралтын өдрүүдээр Дундговь аймгийн Баянжаргалан, Цагаандэлгэр, Говь-Угтаал суманд ОБЕГ-ын дарга Б.Ууганбаярын хамт ажиллаад ирлээ” гэж бичжээ.
Үүнээс үзвэл ОБЕГ-ын дэд дарга байсан, хурандаа Б.Ууганбаяр тушаал дэвшиж дарга болсон бололтой юм. УИХ-ын гишүүн хүн ийм зүйл алдаагүй байж таарна.
Ер нь бол цэргийн хүний албан тушаал, цолыг алдаатай хэлэхэд тэд “боож үхдэг” улс. Олон жил төр түшилцсэн Д.Дамба-Очир гишүүн ийм юман дээр алдана гэж юу байхав.
Тэгээд ч Засгийн газар сүүлийн үед томилгоо, халаа сэлгээг чив чимээгүй хийдэг болсон билээ.
Эх сурвалж: www.news1.mn С.Санаа