УИХ-аас 2019 оны арваннэгдүгээр сарын 22-нд Монголбанкны ерөнхийлөгч Н.Баяртсайханыг чөлөөлж, түүний оронд дэд ерөнхийлөгчөөр нь ажиллаж байсан Б.Лхагвасүрэнг томилж байв. Тэгвэл Монголбанкны ерөнхийлөгчөөр жил ажиллаагүй Б.Лхагвасүрэнгийн суудал ганхаад эхэлсэн байна. Эх сурвалжийн мэдээллээр Монголбанкны Тэргүүн дэд ерөнхийлөгч Г.Дөлгөөнийг Монголбанкны ерөнхийлөгч болгох гэж байгаа юм байна.
Г.Дөлгөөн нь Хэнтий аймгийн Засаг дарга асан Н.Ганбямбын хүү бөгөөд 2016 оны УИХ-ын сонгуулийн дараа Хөгжлийн банкны дэд захирлаар, 2018 онд Төрийн банкны гүйцэтгэх захирлаар, 2020 оны тавдугаар сарын 7-ны өдөр Монголбанкны Тэргүүн дэд ерөнхийлөгчөөр томилогдсон юм.
Эх сурвалж: “Зууны мэдээ” сонин
