Я.Содбаатар сайдын ажлаа өгөх өргөдлөө өгчихсөн. Тэгэхээр ЗТХЯ 2016 оны сонгуулиас хойшх дөрөв дэх сайдынхаа нүүрийг үзэх гэж байна.
Харин дараагийн сайд хэн болох вэ гэдэг дээр Засгийн газар, МАН-ын удирдлагууд яриа тохироо хийх гэж маш удсан.
Тэгвэл тун саяхан, ердөө өчигдөр уржигдархан тохироонд хүрчээ.
Ингээд УИХ-ын гишүүн, “Мишээл” Б.Энх-Амгаланг тус яамны сайд болгох дээр өнөө цагийн томилгооны эрх мэдэлтнүүдийн олонх тохирсон байна. Хэрвээ “дээр”-ээс дан дээлтэй сайд томилно гээд гүрийчихгүй бол “Мишээл” Б.Энх-Амгалан сайд болох нь бараг тодорхой болжээ гэсэн үг.
Тэрээр сүүлийн үед ихээхэн эр зориг гаргаж, УИХ-ын дарга М.Энхболдыг огцруулах таван гишүүний нэг болж, “тав дахь сандал” дээр лоозон барин сууж эсэргүүцлээ илэрхийлсэн юм.
Эх сурвалж: www.news1.mn Д.Очир