Баянзүрх дүүргийн Төрийн захиргааны удирдлагын хэлтсээс 2018 оны 5 дугаар сарын 21-ээс 5 сарын 25-ны өдрийг хүртэлх хугацаанд Засаг даргын Тамгын газарт ирсэн нийт 509 өргөдөл, хүсэлт, санал, гомдол, талархал, шүүмжлэлийг холбогдох албан тушаалтан болон хэлтэс албадад танилцуулан, шилжүүлж ажиллалаа.
Эдгээр өргөдөл, хүсэлтүүд www.smartcity.mn цахим хаяг, 1800-1200 тусгай дугаарын утас, www.ub1200.mn цахим хуудас, Засгийн газрын 11-11 төв, Нийслэлийн үйлчилгээний нэгдсэн төвөөр дамжин ирдэг юм. Иргэдээс ирүүлсэн нийт 509 өргөдөл, хүсэлтийн 457 буюу 89,78 хувийг хугацаанд нь шийдвэрлэсэн бол шийдвэрлэх шатандаа 52 өргөдөл, бүртгэгдсэн байна.
Түүнчлэн тус хэлтсээс дүүргийн ЗДТГ-т ирсэн нийт 75 албан бичгийг бүртгэж холбогдох албан тушаалтанд танилцуулан ажиллалаа. Мөн энэ хугацаанд Засаг даргын Тамгын газраас www.edoc.ub.gov.mn цахим хаягаар 81 албан бичгийг явуулсан байна.
Архивын тасгаас албан бичгийн www.edoc.ub.gov.mn программыг хэрхэн ашиглаж, хэрэглэх тухай хороодын зохион байгуулагч, сургууль, цэцэрлэгийн архив албан бичиг хэргийн ажилтнуудад заавар зөвлөгөө өгч ажиллаж байгаа бөгөөд албан бичгийг 99,41 хувьтай шийдвэрлэж байна.
