ОХУ-ын Санкт-Петербург хотноо дуурийн дулаачдын найм дахь удаагийн “Санкт-Петербург” олон улсын тэмцээн болж өндөрлөн Академик капеллын тайзнаа дүнгээ гаргажээ. Тэргүүн байрын шагналыг манай улсын баритон Ч.Бадрал Узбекистаны тенор Б.Давроновын хамт хүртсэн байна.
Тус тэмцээний шүүгч, ОХУ-ын Ардын жүжигчин С.Лейферкус тэргүүн байрын шагналыг хоёр хүнд олгох нь туйлын ховор тохиолддогийг тэмдэглээд узбек, монгол дуучдын мэргэжлийн чадварыг өндрөөр үнэлжээ. “Санкт-Петербург” тэмцээний гуравдугаар байрт манай өөр нэг авьяаслаг баритон Т.Энхбат шалгарсан юм.
Ч.Бадрал Гнесины нэрэмжит Оросын хөгжмийн академи, харин Т.Энхбат Санкт-Петербургийн консерваторийг төгссөн ажээ.
Эх сурвалж: news1.mn Б.Сансар
