Английн Премьер лигийн 2022/23 оны улирлын хуваарийг гаргажээ.
2022 оны арваннэгдүгээр сарын 21-нээс арванхоёрдугаар сарын 18-нд Катарт Дэлхийн Аварга Шалгаруулах тэмцээн болох тул лигүүд үүнд зохицуулж хуваариа хийх шаардлагатай болсон.
Английн Премьер лигийн хувьд 2022 оны наймдугаар сарын 6-нд буюу ердийнхөөс долоо хоногийн өмнө лигээ эхлүүлээд тавдугаар сарын 28-нд дуусгахаар товлосон байна.
Харин арваннэгдүгээр сарын 13-нд ДАШТ-д зориулан лигээ түр завсарлуулаад арванхоёрдугаар сарын 26-нд үргэлжлүүлэхээр болжээ. Өөрөөр хэлбэл, ДАШТ-ээс 8 хоногийн өмнө Премьер лиг завсарлах юм. Гэтэл хөлбөмбөгчид ДАШТ эхлэхээс 14 хоногийн өмнө шигшээ багтаа очсон байх ёстой байдаг.
Р.Гэгээ