Татварын албанд мэдлэг, ур чадвараа дайчлан, манлайлан ажиллаж, татварын албаны үйл ажиллагаанд хэрэгжүүлэх боломжтой шинэ санаачлага, шийдлийг дэвшүүлэн гаргасан 35-аас доош насны албан хаагчийг шалгаруулан удирдлагын зүгээс идэвхжүүлэн, албан тушаал дэвшүүлэх боломж олгох зорилготой.
ТЕГ, УТОХГ, НТГ, дүүрэг, аймгийн татварын албадын татварын улсын /ахлах/ байцаагч, хураагч, орон тооны бус ажилтны дунд шилдэг эссэ шалгаруулж, түүнийг илтгэх уралдааныг зарлаж байна.
ХУГАЦАА
Эссэ ирүүлэх хугацаа: 1-р үе шат 2017.09.29
Илтгэж танилцуулах хугацаа: 2-р үе шат 2017.10.02-06
СЭДЭВ
“Миний оролцоо – Монголын Татварын албаны хөгжилд” сэдвийн хүрээнд:
• Татварын албаны хөгжлийн чиг хандлага /хүний нөөц, менежмент/
• Миний ажлын байр – төрийн үйлчилгээг сайжруулах арга зам
• Татвар төлөх нийгмийн сэтгэл зүйг төлөвшүүлэх боломж
• Татварын албаны үйл ажиллагааг сайжруулах дэвшилтэт шийдлүүд /бүртгэл, тайлагнал, ногдол, хураалт, хяналт, мэдээллийн технологи/
• Татварын эрхзүйн орчны шинэтгэлд миний оруулах хувь нэмэр
ЭССЭ, ИЛТГЭЛД ТАВИГДАХ ШААРДЛАГА
Өгөгдсөн сэдвийн хүрээнд татварын албанд тулгамдаж буй тодорхой асуудлыг хөндөж, түүнийг өөрийнхөө дэвшүүлэх санаа, оролцооны тусламжтай шийдвэрлэх боломжтой саналыг дэвшүүлэх;
Гадаад орны туршлага, хууль тогтоомж, хийгдсэн ажлуудын эерэг, сөрөг талыг судлан харьцуулалт хийсэн байх;
Оролцогч нь тухайн сэдвийнхээ хүрээнд холбогдох судалгаа, бусад шаардлагатай материалд үндэслэн бичсэн байх;
Эссэ, илтгэл нь 7-оос доошгүй хуудас /А4 цаас/, хэмжээ arial-12, зай-1,5 мм
Эссэг хамгаалж, илтгэхдээ 5-хуудаснаас хэтрэхгүй слайд байх;
Эссэг 2017.09.29-ны 10 цагт ТЕГ-ын 502 тоот өрөөнд авна. Мэдээлэл авах утас: 327686 /Т.Мандах/ , 310893 /В.Нарантуяа/
Төрийн захиргааны удирдлагын газар, Сургалтын төв
