МУГЖ, дуучин Г.Эрдэнэбат Монгол Улсаас Бүгд найрамдах Киргиз улсад суух Элчин зөвлөхөөр томилогджээ.
Энэ талаар Гадаад харилцааны яамнаас тодруулахад “Төрийн албаны туршлагатай учраас томилсон” гэсэн юм. Тэрээр УДБЭТ-ийн захирал, дараа нь БСШУЯ-ны соёл урлагийн газрын даргаар ажиллаж байсан юм.
Тэрээр 1959 онд Хэнтий аймгийн Өмнөдэлгэр суманд төрсөн. УБИС, ОXУ-ын Екатеринбург хотын хөгжмийн дээд сургуулийг төгссөн юм.