Л.Оюун-Эрдэнэ, З.Энхболд нар вакцины 2 дахь тунгаа өнөөдөр хийлгэнэ

Монгол Улсад коронавирусийн эсрэг вакинжуулалтыг 2021 оны хоёрдугаар сарын 23-ны өдөр эхлүүлсэн.

Тодруулбал, AstraZeneca вакцинаар эмч, онцгой байдал, цагдаагийн алба хаагч зэрэг хариу арга хэмжээний багт ажиллаж буй иргэдийг дархлаажуулсан юм. Эдгээр иргэний вакцины хоёр дахь тунг хийх хугацаа буюу 56 дахь хоног өнөөдөр таарч байна. Иймд дараах 34 цэгт хариу арга хэмжээний багт ажиллаж буй 13,836 хүнийг дархлаажуулалтын хоёр дахь тунд хамруулахаар төлөвлөжээ.

Дашрамд дурдахад, Ерөнхий сайд Л.Оюун-Эрдэнэ, Эрүүл мэндийн сайд С.Энхболд нар хоёрдугаар сарын 23-нд AstraZeneca вакцины эхний тунгаа хийлгэсэн. Иймд хоёр дахь тунгаа өнөөдөр хийлгэх аж.

Эх сурвалж: aguulga.mn

SHARE