Коронавирусын улмаас хойшлогдсон “Формула 1”-ийн энэ улирлын эхний буюу Австрийн Гран прид “Мерседес” багийн Валттери Боттас түрүүлжээ.
Шпилберг хотын “Ред Булл Ринг” уралдааны замд “Феррари”-гийн Шарл Леклер хоёр, “Макларен”-ы Ландо Норрис гуравдугаар байрт шалгарчээ.
Гараанаас 20 машин гарсан ч ес нь осол, дүрмийн зөрчил, гэмтэл зэргийн улмаас барианд орж чадаагүй байна.
Барианд орсон бусад тамирчид доорх байр эзэлжээ.
- Льюис Хэмилтон (“Мерседес”)
- Карлос Сайнс (“Макларен”)
- Серхио Перес (“Рейсинг Пойнт”)
- Пьер Гасли (“Алфа Таури”)
- Эстебан Окон (“Рено”)
- Антонио Джовинацци (“Алфа Ромео”)
- Себастьян Феттель (“Феррари”)
- Никола Латифи (“Вильямс”)
Б.Төгсөө
