Нийслэлд Архивын салбар үүсч хөгжсөний 60 жилийн ой тохиож байна

Нийслэлд Архивын салбар үүсч хөгжсөний 60 жилийн түүхт ойг тохиолдуулан нийслэлийн Архивын газраас зохион байгуулж буй “Баярын хурал-хүндэтгэлийн арга хэмжээ” 2018 оны 12 дугаар сарын 05-ны өдөр Монголын хүүхдийн ордонд амжилттай зохион байгуулагдаж өнгөрлөө. Баярын хурлыг нээж Нийслэлийн Архивын газрын дарга С.Гаваа нээж үг хэллээ.

Баярын хуралд Архивын газар болон нийслэлийн төр захиргааны байгууллага, орон нутгийн төсөвт, өмчит, өмчийн оролцоот байгууллагуудын удирдлагууд болон архивчид, НИТХ-н дарга болон Улаанбаатар хотын Засаг даргаар ажиллаж байсан Т.Билэгт, Ц.Баасанжав, Улаанбаатар хотын ерөнхий менежерээр ажиллаж байсан н.Гомбожав зэрэг нийслэл хотын үе үеийн дарга, удирдлагууд, салбарын ахмад ажилтнууд уригдан оролцлоо.

Архивын өв санг арвижуулан бий болгож хойч үедээ бүрэн бүтэн өвлүүлэх гэгээн үйлсэд хувь нэмрээ оруулан ажиллаж яваа Нийслэл, орон нутгийн төр захиргааны байгууллагуудын удирдлага баярын хуралд оролцож үг хэлж салбарын хөгжилд оруулсан хувь нэмрийг нь үнэлж дүгнэн хийсэн бүтээснээрээ манлайлан ажиллаж буй албан хаагчид, архив бичиг хэргийн ажилтнуудаа алдаршуулан төр засгийн шагнал, урамшуулал, жуух бичгээр шагнаж цаашдын ажил хөдөлмөрт урам зориг өгч шагнасны дотор ХЗДХЯ-ны хүндэт жуухаар 1 албан хаагч, Архивын ерөнхий газрын шагнал, тэргүүний архивч, хүндэт өргөмжлөлөөр 21 албан хаагч, НИТХ-н хүндэт тэмдэг, хүндэт үнэмлэхээр 3 албан хаагч, нийслэлийн Засаг даргын тэргүүний ажилтан, жуух бичгээр 7 албан хаагч, нийслэлийн Архивын газрын өргөмжлөлөөр 14 албан хаагчид тус тус шагнагдлаа.

НИТХ-ын Тэргүүлэгчдийн 2018 оны 109 дүгээр тогтоолоор “Нийслэлд Архивын салбар үүсч байгуулагдсаны 60 жилийн ой”-г тэмдэглэн өнгөрүүлэхээр шийдвэрлэсний дагуу түүхт 60 жилийн ойг угтаж  хийсэн зарим ажлаас:

  1. Монгол Улсын Засгийн газрын 2018 оны 42 дугаар тогтоолоор батлагдсан “Гурван тулгуурт хөгжлийн бодлого”, Нийслэлийн Засаг дарга бөгөөд Улаанбаатар хотын Захирагч С.Батболдын санаачилгаар Төвийн бүсэд зэрэгцэн орших Улаанбаатар хот, олон улсын хөгжлийн чиг хандлага, суурин газруудыг бүсчлэн хөгжүүлэх “Хөгжлийн алтан гурвалжин” үйл ажиллагааны хүрээнд Улаанбаатар хоттой хил залгаа орших төвийн бүсийн аймгийн архивуудтай хамтран архив, албан хэрэг хөтлөлтийн хууль тогтоомжийн хэрэгжилт, тулгамдсан асуудлуудыг шийдвэрлэх, хамтарсан төсөл, хөтөлбөр хэрэгжүүлэх, төрийн захиргааны байгууллагуудын бүтээлч, нягт хамтын ажиллагааг өргөжүүлэн  хөгжүүлэх чиглэлээр нийслэлийн Архивын газраас нийслэл, дүүргийн архивын удирдлагууд, холбогдох мэргэжилтэн зэрэг 16 хүний бүрэлдэхүүнтэйгээр Дархан-Уул, Булган, Орхон аймгийн Архивын тасаг, “Эрдэнэт үйлдвэр” ХК-ийн төрөлжсөн Архивын үйл ажиллагаатай танилцаж, санал солилцон, хамтран ажиллах “Санамж бичиг” байгуулсан байна.
  2. Нийслэлийн Засаг дарга бөгөөд Улаанбаатар хотын Захирагч С.Батболдын ивээл дор “Нийслэл, дүүргийн тэргүүний архивчдын зөвлөгөөн”-ийг санаачлан нийслэлийн байгууллагуудын архив, албан хэрэг хөтлөлт хариуцсан тэргүүний 300 ажилтныг хамруулан зохион байгуулжээ.
  3. Нийслэлийн Засаг дарга бөгөөд Улаанбаатар хотын Захирагч С.Батболдын санаачилгаар “Монгол Улсын нийслэл Улаанбаатар хотын түүхэнд холбогдох баримтын эмхэтгэл”-ийн эхийг бэлтгэн, 3 ботиор хэвлүүлсэн.
  4. Нийслэлийн Засаг дарга бөгөөд Улаанбаатар хотын Захирагч С.Батболдын нэрэмжит “Спортын наадам”-ын 1 дүгээр шатны тэмцээнийг нийслэлийн агентлагуудын дунд, Нийслэлийн дүүргийн архивуудын дунд “Бид нэг салбарынхан” спортын аварга шалгаруулах “Шилжин явах” цомын тэмцээн ийг 3 төрлөөр анх удаа амжилттай зохион байгуулжээ.
  5. “Ахмад, дунд, залуу үеийн архивчдын уулзалт, хүндэтгэлийн арга хэмжээ”-г зохион байгуулсан.
  6. 12.  Нийслэлд Архивын салбар үүсч хөгжсөн товч түүх, түүхэн шийдвэрүүд, архивын салбарын үндсэн үйл ажиллагаа, ололт амжилт, ахмадуудын дурсамжийг багтаасан “Нийслэлийн Архивын салбарын түүхэн хөгжил – 60 жил” номыг бэлтгэж хэвлүүлсэн.
  7. АЕГ-ын захиалгаар “Хуульчдын хотхон”-д баригдаж  буй орон сууцанд Нийслэл, дүүргийн архивын зарим албан хаагчдыг хамруулжээ.

8.Төрийн архивын үндсэн үйл ажиллагааг дүүргийн архивт хэвшүүлэх, албан хаагчдыг чадавхижуулах, харилцан туршлага солилцох ээлжит үзүүлэх сургалтыг Сүхбаатар дүүргийн архивын тасгийг түшиглэн амжилттай зохион байгуулж, 9 дүүргийн ЗДТГ-ын дарга, дүүргүүдийн архив, албан хэрэг хөтлөлт хариуцсан албан хаагчид, ББНШК-ын гишүүдийг  хамруулсан.

9.Төрийн архивын үйл ажиллагааг сурталчлах, архивын лавлагаа, үйлчилгээг иргэдэд хөнгөн шуурхай хүргэх, иргэдийн санал хүсэлтийг газар дээр нь хүлээн авч шийдвэрлэх зорилгоор Нийслэлийн Архивын газраас Багануур дүүрэг, Сонгинохайрхан дүүргийн Жаргалант тосгоны 21 дүгээр хороонд “Лавлагаа үйлчилгээний цэг”-ийг нээж, архивын лавлагаа, үйлчилгээг алслагдсан дүүрэг, хорооны иргэдэд ойртуулжээ.

  1. Архивын хууль тогтоомжийн хэрэгжилтийг хангуулах, архивын баримтыг найдвартай хадгалж хамгаалах орчин, нөхцөлийг бүрдүүлэх, байгууллагын архивын ажлыг сайжруулах, ажилтны хариуцлагыг дээшлүүлэх, олон нийтэд сурталчлах зорилгоор Нийслэлийн байгууллагуудын архивыг гэрчилгээжүүлэх 1 сарын аяныг зохион байгуулсан байна.
  2. “Албан хэрэг хөтлөлтийн нэгдсэн системийн 3 дугаар хувилбарын хэрэглээ, ажилбарыг сайжруулах нь” сэдэвт сургалтыг “Нью Соник” ХХК-тай хамтран зохион байгуулж, Нийслэл, дүүргүүдийн харьяа байгууллагуудын архив, албан хэрэгхөтлөлт хариуцсан 300 албан хаагчийг хамруулсан байна.
  3. Нийслэлийн Архивын газраас  “Цахим архив” төслийг санаачлан тоон гарын үсгээр баталгаажсан албан хэрэг хөтөлж архивладаг байхаар харж “Албан хэрэг хөтлөлтийн хяналт удирдлагын нэгдсэн тогтолцоо”, “архивын хяналт удирдлагын нэгдсэн тогтолцоонд шилжүүлэхээр санаачилга гарган ажиллаж байна гэж нийслэлийн Архивын газраас мэдээллээ.
SHARE