Инторполын мэдээллийг 3 секундэд илгээнэ

Олон улсын шинэ нисэх буудалд Зорчигчийн урьдчилсан мэдээллийн дэвшилтэт систем /APP/-ийг нэвтрүүлэхээр Засгийн газрын өчигдрийн хуралдаанаар шийдвэрлэв. Энэ нь хилийн хяналт, шалгалтыг боловсронгуй болгох, төрийн байгууллагууд  мэдээллээ шуурхай солилцох, терроризмтэй тэмцэх үндэсний чадавхийг бэхжүүлэх зорилготой юм.  Урьдчилсан систем нь тухайн зорчигч тийз худалдан авсан, бүртгэл хийлгэсэн даруйд мэдээллийг нь Интерполоор эрэн сурвалжлагдаж байгаа этгээдийн жагсаалт, нисч болохгүй-анхаарах зорчигчдын мэдээллийн болон виз, бусад мэдээллийн сангаас хайн, дүнг нь тухайн улсын хууль, хяналтын байгууллагад гурван секундын дотор илгээдэг байна. Энэ системийг дэлхийн 70 гаруй орон нэвтрүүлжээ.

Эх сурвалж: news1.mn Б.ЗАЯА

SHARE