Эстонийн нийслэл Таллины “Лиллекула” стадионд болсон УЕФА-гийн супер цомын төлөөх тоглолтод анх удаа нэг хотын хоёр баг өрсөлдлөө. Аваргуудын лигт түрүүлсэн Мадридын “Реал” Европын лигт аваргалсан мөн хотын “Атлетико”-д нэмэлт цагт 2:4-өөр хожигдсоноор “Атлетико” супер цомыг гуравдахь удаагаа гардсан юм.
Ер нь тус цомыг Испанийн багууд хамгийн их буюу 15 удаа (“Барселон”-5, “Реал”-4, “Атлетико”-3, “Валенси”-2), “Севилья”-1) гардаж байжээ. Итали энэ үзүүлэлтээр удаалдаг (нийт 9 удаа: “Милан”-5, “Ювентус”-2, “Лацио”-1, “Парма”-1) ба Англи гуравт (нийт 7 удаа: “Ливерпуль”-3, “Манчестер Юнайтед”, “Челси”, “Ноттингем Форест”, “Астон Вилла” тус бүр 1) бичигддэг аж.
“Реал” – “Атлетико” – 2:4 (1:1, 1:1, 0:2)
Шүүгч: Марчиняк (Польш).
Гоолууд: Диегу Коста, 1 (0:1). Бензема, 27 (1:1). Серхио Рамос, 63 – пеналти (2:1). Диегу Коста, 79 (2:2). Саул, 98 (2:3). Коке, 104 (2:4).
“Реал”: Навас, Карвахал, Серхио Рамос, Варан, Марселу, Каземиру (Себальос, 76), Кроос (Майорал, 102), Иско (Васкес, 83), Бэйл, Бензема, Асенсио (Модрич, 57).
“Атлетико”: Облак, Хуанфран, Савич, Годин, Эрнандез, Саул, Коке, Эрнандес (Витоло, 71), Лемар (Партей, 90+1), Гризманн (Корреа, 57), Диегу Коста (Хименес, 109).
